Félagar í Femínistafélagi Íslands funduðu 1. mars 2020. Á fundinum var tekin sú ákvörðun að leggja Femínistafélagið formlega niður, en félagið hefur verið óvirkt síðan 2014.
Í lögum félagsins segir að ef til slita komi, skuli fjármunir Femínistafélagsins renna til femínískra málefna. Á fundinum var samþykkt einróma að fjármunir félagsins renni til Tabú og W.O.M.E.N. in Iceland – samtaka kvenna af erlendum uppruna á Íslandi. Bæði samtökin vinna að bættri stöðu kvenna, þar með tali gegn ofbeldi gegn konum.
Allar efnislegar eigur Femínistafélagsins, ræðupúlt, bolir, bæklingar og önnur gögn verða gefnar Kvennasögusafni Íslands til varðveislu, og fólk sem hefur gögn úr félagsstarfinu er hvatt til að senda þau þangað líka.
Fundarkonur þökkuðu hvorri annarri fyrir samstarfið frá árinu 2003 þegar félagið var stofnað. Femínistafélagið kom eins og stormsveipur inn í samfélagið, stóð fyrir umræðum, aðgerðum og hafði mikil áhrif. Það var barn síns tíma, nú hafa aðrir hópar tekið við.
Baráttan fyrir femínísku samfélagi og hruni feðraveldisins heldur áfram.
Femínistafélag Íslands 